Auchean poraus won lead non konikin uun (Chuukese)

Information
A person filling up a glass of water under a kitchen faucet.
Kaeo ifa usun an lead tonong non unumwom konik, ifa usun eom kopwe tesini ren lead me pwan akisano eom pwa ngeni lead non konik, me pwan met ewe ofesin pekin konik(Water Bureau) a kan fofori pwe epwe akisano lead non konik.
On this page

Met mi auchea omw kopwe sinei

Minafeen pungun chekin non iimw e pwaari pwe lead non konikin uun mi watte seni met keukun me non annuk. Kich sia aeochunano nimetin poputa seni April 2022 ren akisanon ewe awukukun nech non uunumach konik. Ei siwinin nimenim epwene anepano ewe pH me pwan eochunon uunumwom konik.

Auchean poraus won lead non konikin uun

Ewe Putain Pekin Konik an Portland a kuna napenoon lead non konikin uun non ekkoch iimw. Lead mi tongeni epwe efisata osukosuken watten semmwen, akkaewin ngeni mi pwopwo me semirit. Kose mochen kopwe anneaechu ei poraus ren omw kopwe sinei met en mi tongeni feeri omw kopwe ekisaano lead non unumom konik.

Feiengawen lead

Lead mi tongeni epwe efisata osukosuken watten semmwen ika pwe a kon watte mi tonong non inisum seni unumom konik me pwan ekkoch mettoch me wor lead non. Mi tongeni an epwe efisata osukosuken tupwu me kitni, me pwan osukosuka feerutaan ekkewe red blood cells ekkewe re awora oxygen ngeni kinikinin unusen inisich. Watten efeiengawen an wor lead ngeni menukon, kukkun semirit, me mi pwopwo. Sou sinenap (ika scientists) ra kuna pwe efeiengawen lead mi akukkunaano tufichin sine ren semirit. Ekkewe mi mwuk mi wor ar osukosuken kitni me cha feita ir mi tongeni wor ar osukosuk ren chok mwo ekis lead nap seni ekkewe mi mwuk ese wor ar semmwen. Lead e kan tonong a nomw non chuu, iwe mi tongeni an epwe pwau murin fite ier. Nupwen pwopwo, ewe menukon non nuken ewe inenap epwe tongeni angei lead seni non chuun ewe inenap, minne epwe tongeni angawa tupwuan.

Ia lead a feito me ia

Lead mi wor non sakkopaaten neni ika pisek. Nge ina pwe nech a fakkun kukun pwanon non ia kewe unumach konik ra etto me ie me pwan ese kan wor ekkena nainen aworen konik ngeni ewe meter a wor nech non, nech epwene kan kuna non ekkoch imw kena.

Non Portland, nech a kan tonong non unumach konik seni parangan (kurowuno) ren mettochun paipen non imw kewe mi wor nech non. Ekkei mettoch a kan pachenong soder kena mi wor nech non ra eaea ne apechafengeni paipen kapa - ra kan eaea iteiten non imw kena ra kan kawuuta ika paipinong nefinen 1970 me 1985 - me pwan ekkena faucet mi wor biras non. Pokiten koniken non Portland a kan chok fis parangan iteiten, nech non paipen non imw a kan chok tenuno non konikin uun nupwen konik ra kan nonom non ekkena paip ren ekkoch awa – usun chok nepwineno ika nupwen aramas ra kan no angang ika sukun.

Non Portland, ewe iteiten ia a etto me ie fakkun tekian pwano ngeni nech ra kan painit kena remi masow ren nech, topun non imw, pwuun, me pwan mettochun paip. Nech repwene pwan kuna non ekkoch pisekin non imw usun chok nieos, cosmetics, me pwan pottery.

Mechersin angangen ekisaano feiengawen lead non unumom konik:

  1. Okusu konik an epwe nimetau lead. Ika ese mwo piin kus konik non fitu awa, akkoum okusu konik non ukuukun 30 seken ngeni 2 minich ika tori an a pateno me mwen omw kopw un ika aea ne kuk.
  2. Kopwe aea konik mi pat mi minafe ne kuk me fern unumen menukon titi. Lead a fakkun mecheresino an chonuno non chenipwich. Kesapw aea konik seni nenien kusun konik mi pwichikar ne fer unumen menukon titi.
  3. Kesapw chenupwichi konik omw kopwe minaau lead me non.  Chenupwichi konik ese minaau en lead.
  4. Ekieki omw kopwe aea romorom (ika filter). Cheki ika mi ekisaano lead - ekkoch filter rese ekisaano. Chemeni kopwe tumunu me sissiwini omw filter ussun met me eureur seni chon feeri ren omw kopwe anisi tumunun unumom konik. Kokori NSF International non 800-NSF-8010 ren porausen ekkena filterin konik mi punguno.
  5. Cheki noumw semirit ika menukon ren lead. Eisini noumw tokter ika keeri ewe LeadLine omw kopwe eis ifa ussun an noum epwe chek ren lead. Keukun lead non cha ina chok ew anen an epwe chek ika mi wor feiengawen lead non noumw iwe.
  6. Cheki konikin uun ren lead.Kut ew lead-non-konik tes seni eweLeadLine ESE KAME.
  7. Sou nimeti mesen omw iwe nenien kusun konik.  Piipii mi wor lead non seni minen iosechun kapach fengenin paip ika nenien fetanin konik non imw mi tongeni mwech non mesen ewe nenien kusun konik. Ika ke sou nimeti iteitien murin fitu maram epwe nimetaano ekkei piipii pwan ekisaano feiengawen lead.
  8. Ekieki omw kopwe kame pisek mi kukkun lead non.  Seni ewe ier 2014, meinisin paip, me kinikinin me pisekin fetanin konik repwe kukkun seni 0.25% lead non. Nupwen ka kan kamo sofon pisekin non imwom, kopwe kan kuta ekkewe mi kan fakkun kukun masowen lead non.

Pungun tesin nech

Fan ruwow iteiten ier, ewe Portland Water Bureau a kan ioni awewen konik seni ew mwichen nap seni 100 imw kena a kan wor soder mi wor nech non. Pokiten nap seni 10% seni ekkewe imw ra tes a kan fakkun tekia pungur, sia fakkun anepano foforun angangen awukuk ren nech non konikin uun me pwan met kena repwene pwan fofor pwe epwe akinano ukukun nech. Kich sia pwan fofori ewe asukun ngeni aramas meinisin usun nech non konikin uun.

Anapenon eochunon nimenimen konik epwene poputa non ei spring

Murin fakkun anapenon seni ewe awukukun angangen nech non 2013, kich sia kan angang ren ach sipwe aiitata ekkena sakkun ach sipwene anepano ne akisano ewe awukukun nech kena ra kan tongeni tonong non konik seni non imw ika paipen non imw. Kich sia fakkun finata pwe anapenon nimenimen uunumach konik a kan ewe aewin eochun sakkun ne akisano ukukun nech kena. Non 2016 sia tipeew ngeni ewe Oregon Health Authority pwe sipwene awuuenong anapenon eochun nimenim me pwan iei sipwene sukata non ei spring. Ei anapenon eochun nimenim epwene akisinano nech non ewe tap seni anapenon ewe pH non konik ngeni non esapw kis seni 8.5 me pwan awukuku ewe eochun unun konik ngeni 25 mg/L.

Met epwe anisuk an epwe kukkununo efeiengaw

Soposopun ewe angangen ekukkunaano ukuukun lead non konikin un, ewe Putain Pekin Konik an Portland (ika Portland Water Bureau), ren LeadLine, mi anisi ekkewe prokram ren an epwe kukkununo an aramas epwe tongeni torir lead:

  • Pekin kaeo (ika workshop) ren eppetin feiengawen poison sen lead
  • Prokramin ekisaano feiengaw non imw mi mecheres feiengaw non
  • Chekin cha ren lead an semirit ESE KAME
  • Pisekin chek ren lead ngeni ie repwe aea ESE KAME

Poraus ngeni ewe LeadLine503-988-4000.

Ren tichikin poraus, keeri kich won 503-823-7525. Ren tichikin poraus ren ifa ussun an epwe kukkuno lead neimw/non imw me semmwen mi feito seni lead, ina website www.epa.gov keeri noumw chon anisuk ren pekin semmwen (ika health care provider). Kose mochen kokori kich ren wewen ika awewen, ika ren aninisin ekkena aramas mi wor osupwangen mokutukutir.

Nampaan Fon Ren Konik an ewe Putain Pekin Konik an Portland: 503-823-7525

Pekin Anisi Aramas (Customer Service): 503-823-7770

ika aea an Oregon iwe Relay Service:711.

Maakeno: 12/2021

Contact

Water Quality Line

Ask drinking water quality and pressure questions.