Auchean poraus won Lead non nenien fetanin konik me konikin uun neiimw

Information
A person filling up a glass of water under a kitchen faucet.
Kaeo ifa usun an lead tonong non unumwom konik, ifa usun eom kopwe tesini ren lead me pwan akisano eom pwa ngeni lead non konik, me pwan met ewe ofesin pekin konik(Water Bureau) a kan fofori pwe epwe akisano lead non konik.
On this page

Met ke mochen sinei

Mi wor fitu iimw mi och sokkun kokotun sasan konik me kiten konik me non paipen imwer mi watte lead non ar konik. Non 2022, sia eochuweno ach pekin safeien ei konikin uun an epwe ekisano ei mettoch lead. Ei safei e tufichin okukunano lead non konik faniten an awatenoi pH me alkaline non ach konik.

AUCHEAN PORAUS WON LEAD NON KONIKIN UUN

Ewe Putain Pekin Konik an Portland a kuna napenoon lead non konikin uun non ekkoch iimw. Le epwene a kan fakkun ngawen semwenin, akaewin ren aramas remi popo me pwan kukun semirit. Kose mochen kopwe anneaechu ei poraus ren omw kopwe sinei met en mi tongeni feeri omw kopwe ekisaano lead non unumom konik.

FEIENGAWEN LEAD

Lead mi tongeni epwe efisata osukosuken watten semmwen ika pwe a kon watte mi tonong non inisum seni unumom konik me pwan ekkoch mettoch me wor lead non. Mi tongeni an epwe efisata osukosuken tupwu me kitni, me pwan osukosuka feerutaan ekkewe red blood cells ekkewe re awora oxygen ngeni kinikinin unusen inisich. Ewe fakkun ngawen pwano ngeni nech a kan ngeni menukon, kukun semirit, me pwan aramas remi popo. Sou sinenap (ika scientists) ra kuna pwe efeiengawen lead mi akukkunaano tufichin sine ren semirit. Ekkewe mi mwuk mi wor ar osukosuken kitni me cha feita ir mi tongeni wor ar osukosuk ren chok mwo ekis lead nap seni ekkewe mi mwuk ese wor ar semmwen. Lead e kan tonong a nomw non chuu, iwe mi tongeni an epwe pwau murin fite ier. Nupwen popo, ewe semirit a kan angei nech seni chuun ewe aramas mi popo, iwe ina epwene kan angawano maritan foun non mokuran (brain).

IA LEAD A FEITO ME IA

Lead mi wor non sakkopaaten neni ika pisek. Nge ina pwe nech a fakkun kukun pwanon non ia kewe unumach konik ra etto me ie me pwan ese kan wor ekkena nainen aworen konik ngeni ewe meter a wor nech non, nech epwene kan kuna non ekkoch imw kena.

Non Portland, nech a kan tonong non unumach konik seni parangan (kurowuno) ren mettochun paipen non imw kewe mi wor nech non. Ekkei mettoch a kan pachenong soder kena mi wor nech non ra eaea ne apechafengeni paipen kapa - ra kan eaea iteiten non imw kena ra kan kawuuta ika paipinong nefinen 1970 me 1985 - me pwan ekkena faucet mi wor biras non. Pokiten koniken non Portland a kan chok fis parangan iteiten, nech non paipen non imw a kan chok tenuno non konikin uun nupwen konik ra kan nonom non ekkena paip ren ekkoch awa – usun chok nepwineno ika nupwen aramas ra kan no angang ika sukun.

Non Portland, peinit, taasun non iimw, pwun, me pisekin paipen konik me kiten konik me nimengaw rekan awatenoi ei mettoch lead. Lead mi pwan tongeni pwa non ekkoch mettoch ren toys, ekkewe minen makeup me ekkewe mettoch e feer seni pottery.

MECHERSIN ANGANGEN EKISAANO FEIENGAWEN LEAD NON UNUMOM KONIK:

  1. Okusano om konik an epwe okusauu ena lead. Ika ese mwo piin kus konik non fitu awa, akkoum okusu konik non ukuukun 30 seken ngeni 2 minich ika tori an a pateno me mwen omw kopw un ika aea ne kuk.
  1.  Kopwe aea konik mi pat mi minafe ne kuk me fer unumen menukon titi. Lead a fakkun mecheresino an chonuno non chenipwich. Kesapw aea konik seni nenien kusun konik mi pwichikar ne fer unumen menukon titi.
  1.  Kesapw chenupwichi konik omw kopwe minaau lead me non.  Chenupwichi konik ese minaau en lead.
  1. Ekieki omw kopwe aea romorom (ika filter). Cheki ika mi ekisaano lead - ekkoch filter rese ekisaano. Chemeni kopwe tumunu me sissiwini omw filter ussun met me eureur seni chon feeri ren omw kopwe anisi tumunun unumom konik. Kokori NSF Internationalnon 800-NSF-8010 ren porausen ekkena filterin konik mi punguno.
  1. Cheki noumw semirit ika menukon ren lead. Eisini noumw tokter ika keeri ewe Nampaan Pekin Lead omw kopwe eis ifa ussun an noum epwe chek ren lead. Keukun lead non cha ina chok ew anen an epwe chek ika mi wor feiengawen lead non noumw iwe.
  1. Cheki konikin uun ren lead. Order ew ESE WOR MOMON tesin-nech-non-konik seni eweLeadLine.
  1. Sou nimeti mesen omw iwe nenien kusun konik.  Piipii mi wor lead non seni minen iosechun kapach fengenin paip ika nenien fetanin konik non imw mi tongeni mwech non mesen ewe nenien kusun konik. Ika ke sou nimeti iteitien murin fitu maram epwe nimetaano ekkei piipii pwan ekisaano feiengawen lead.
  1. Ekieki omw kopwe kame pisek mi kukkun lead non.  Seni ewe ier 2014, meinisin paip, me kinikinin me pisekin fetanin konik repwe kukkun seni 0.25% lead non. Nupwen ka kan kamo sofon pisekin non imwom, kopwe kan kuta ekkewe mi kan fakkun kukun masowen lead non.

Tesin lead

Fan ruu non ew year, achewe Portland Water Bureau ekan ioni samplun konik seni ew groupen 100 iimw mi wor lead non. Pwokiten pwungun ekkei tes ra pwarata pwun mi chok watte angangen ei lead non unumach konik, sia anganga ach sipwe sopweno ne okukunano lead pwan osukuna aramas ren lead non konikin uun.

Angangen safeien konikin uun a poputa non 2022

Seni non ewe 2013, sia katon me kaeo kewe anen ach sipwe okukunano an lead epwe tikenong non konik seni paipen non ekkewe iimw. Non ewe 2016, sia opwungupwung fengen me ewe Oregon Health Authority pwun ekon euchea sipwe eochuweno achewe pekin safeien konikin uun. Sia amasa ika poputa fori achkewe pisekin safeien konikin uun, iwe sia poputa aia non ewe ier 2022. Ach sia awattenoi ewe pH me alkaline non unumach konik, a eochuweno eppetien lead seni unumach kewe konik an epwe tikenong me non pisekin paipen non iimw. Sia men pwapwa ach sipwe achoufetanei ei porous ach sipwe eochuweno anisii pochokunen ach aramas. 

MET EPWE ANISUK AN EPWE KUKKUNUNO EFEIENGAW

Pwan monukun ach okukunuweno lead non konikin uun, achewe Portland Water Bureau mi anisi kaoch program ika angang ne okukunuweno an lead epwe tonong non pwan kaoch mettoch kich mi akaia ika kanengeni.

  • Pekin kaeo (ika workshop) ren eppetin feiengawen poison sen lead
  • Prokramin ekisaano feiengaw non imw mi mecheres feiengaw non
  • Pisekin chek ren lead ngeni ie repwe aea ESE KAME

Kokori ewe LeadLine: 503-988-4000.

Ren chomong porauw, kokori kich non 503-823-7525. Om kopwe sinei porousen ei okukunuwenon lead me non imwom me ekkan feiengawen ei mettoch lead, en mi tongeni tota won an EPA ena website  ika kokori noum tokter.

Portland mi opochokuna an epwe afata porousochun me awora met non pekin chiaku, awora ekesiwin ika enenia aramas, pwan asokonoi awewen mettoch an aramas repwe weweiti, ika fen pwan aninis ngeni ekkewe mi wor ar weiresin rongorong ika kuna an epwe touroch porous ngeni meinisin chochon non fonuwachei. Kokori 503-823-7525, Afou: 7-1-1

Ei taropwe a mak non ewe raan: 02/2023

Contact

Water Quality Line

Ask drinking water quality and pressure questions.