Translate this Page
Poputa non June 3, 2025, meinisin kastemer mi nounou credit ika debit card ne meeni ar sewer, stormwater, me konik online, won fon, ika non autopay repwe pwan meeni ewe momon processing. Ei momon nounou a chachi meren ewe chon ewe awora momon online esapw meren City of Portland.
Ika kese mochen meeni ei momo, iwe kastemer repwe meeni momon elektronik seni ar ewe bank account. Ei a iteni Automated Clearing House ika momon ACH. Kastemer mi tongeni fori ei momon ACH online ika won fon. Kastemerin autopay mi tongeni siwini nour ototen momon ACH ar resapw pwan meeni ekewe momon nounoun card mi fifis nesor me ponon. Momon cash, chek, me moni orter ese pwan kamo nounoun.
Momon nounoun
Meni tapin momo a wor momon nounoun?
Momon nounoun kamo a fis ren momon credit card me debit card.
Fite ena momon nounoun kamo ren credit card me debit card?
Nupwen omw kamotiw won credit ika debit card, ena momon aia nge 2.95% meren kapachenapen omw kamo. Kekitiwen momon me fan nge $1.25.
Non chana, wewen pwun:
- Ika ke kamo won $100 - $2.95 momon processing
- Ika ke kamo won $250 - $7.38 momon processing
- Ika ke kamo won $500 - $14.75 momon processing
Ka meeni ei momo ngeni nouch ewe chon awora online bill (Invoice Cloud), esapw no ngeni ewe City.
Ifa usun ai usaw meeni ei momon nounou?
Ekei momon nounou a kan fis chok nupwen omw meeni won noumw credit card ika debit card. Ika kese mochen meeni ei momo, iwe aia pwan och sokun ototen kamo.
- Fori och momon ACH seni omw bank won ach ena website ren momo, aia ach ena aian fan ew ren finatan momo, ika ach ena automated momon won fon.
- Meeni non mail ren chek ika moni orter.
- Meeni non aramas ren moni, chek, ika moni orter ren ach ewe Walk-in Center.
- Forata omw ototen momon niwinimang online seni omw ewe bank ngeni Portland Water Bureau.
Ngang upwe pwan meeni ewe momon nounou ika u aia autopay?
Ika omw ena autopay mi towu momon seni noumw credit card ika debit card, iwe epwe chachi ngonuk ena momon nounou. En mi tongeni eukano omw kosapw meeni ei momon nounou ika ke siwini omw ototen autpay ngeni ACH me mwen ewe ranin epwe kamotiw omw ewe autopay. Ika ke mochen fori ei, iwe tonong non ach ewe website ren momon niwinimang iwe ka siwini omw ewe ototen momo mi mak. Mi wor tichikin aninisin omw kopwe siwini omw ototen momo mi mak me fan ei cheon FAQ (Penuwen Kapas Eis).
Mi wor ew keukun amuchun momo ren credit card ika debit card?
Ewer, ewe amuchun keukun momon credit card ika debit card nge $10,000 ew transakson.
Pwata kastemer repwe meeni ewe momon processiing ren aian credit me debit card?
Ei momon processing faniten credit me debit card a chachi meren nouch ewe chon awora momon online bill, Invoice Cloud. Ewe City of Portland ese angei ei moni mi feito seni momon nounou. Me nomw, Ewe City a wisen meeni ekei momo. Wewen pwun kapachenapen ekewe kastemer ra meeni fengeni ewe momon processing ren nounoun card.
Ese chuen och ach sipwe chuen meeni ei momo. Me non ekewe ier a no, ewe ukukun momo ewe City a watiw a kekita seni $1 million ngeni nuseni $2 million iteiten ier. Ika pwun kastemer meinisin repwe pusin finata pwe repwe meeni ar ewe momon aian credit me debit card, iwe ei monien mwun a tufich an epwe no ngeni pwan ekoch pekin aninis mi ouchea. Sia tongeni nounou ekei moni ne fori met ochun ach ekewe pekin aninis ika fen anisi ekewe kastemer me non ekewe prokramen aninisin moni.
Ifa usun an epwe pwano ei momon nounou me won ai ewe statement
Io a wisen ioni ei momon nounou?
Ekei monien momon nounou a chachi meren me no ngeni Invoice Cloud, nouch ewe chon awora ach pekin momon online. Ewe City of Portland ese angei ei moni mi feito seni momon nounou.
Ifa usun ai upwe esina ewe momon processing me won ai ewe statement?
Nupwen omw meeni seni noumw credit card ika debit card, kopwe kuna ruu momon transakson won omw ewe statement. Ena chachi faniten momon nounou epwe pwano fan "Invoicee Cloud" me won omw ewe statement. Chachin omw ewe bill ika niwinimang epwe mak fan "Portland Water Bureau" me won omw ewe statement.
Ika u siwin ngeni momon ACH, epwe ifa usun nikinikin ei chachi me won ai ewe bank statement?
Omw ena kamo epwe pwano fan "Portland Water Bureau" me won omw ewe bank statement.
Aniwinin ika akunun momo
Ika u aniwini ai momon seni nei credit card ika debit card, epwe pwan siwin ai ewe momon nounou?
Esapw niwin momon omw meeni ewe momon nounou ika ke akunu momon omw sewer, stormwater, me niwinimangen konik.
Asofo sefani omw ototen meeni
Epwe tumwunoch porouser kastemer me non ekana momon online?
Ewer, meinisin momo mi kamotiw non tumwunoch seni Invoice Cloud. Ewe City ese iseni porousomw rese pwan tongeni katon porouser kastemer ren ar kamo.
Pwata ese mwumuta ngeni ei ai upwe fori och ototen momon ACH seni ai ewe bank account won ewe website neenien meeni?
Ika mi tori fan ruu omw momon sewer, stormwater, me konik ese ketiw meren ewe bank me non ewe 12 maram a no, iwe am usapw chuen etiwa omw kopwe aia omw bank account ne meeni. Ei mi pachonong personal chek ika momon elektronik seni omw ewe cheking ika savings account. Am mi chok etiwa ekei aneen momo:
- Moni
- Moni Order
- Cashier Chek
- Credit card
Kekeri Pekin Aninisin Kastemer ika mei wor omw kapas eis.
Ifa usun ai upwe siwini ai autopay ika ai ewe account ese wor chon aia?
Ika ke mochen siwini och ototen kamo ika asofo sefani omw ewe autopay won omw account kese kan aia, kekeri ewe Pekin Aninisin Kastemer ren pwbcustomerservice@portlandoreg… or 503- 823-7770.
Ika ke mochen asofo sefani porousen omw autpay online, omw ewe account esapw wor chon aia ika epwe pin tonong bill fan ew. Nupwen omw ewe account a suk sefan me a fen tonong an bill, iwe ka tongeni asofo sefani omw porous won ewe billing website. Fiti ekei fofor mi afatetiw me fan ei taropwen FAQ (Penuwen Kapas Eis).
Ifa usun ai upwe siwini ai ototen autopay ngeni ACH won ewe website minen kamo?
- Me asan ena Account Details skreen, fini Payment Options. Iwe ka fini Auto Pay seni ena menu mi urutiw.
- Won ena Payment Method skreen, tiki Add New Bank.
- Non ena New Bank taropwe, makeinong tichikin omw bank account ke mochen aia ren momon ACH.
- Nupwen ka fen amasowanong owm porousen momo, tiki ena pwoor arun Default pwe kopwe fini pwe iei omw aewin ototen momo. Iwe ka tiki Save Bank Information kopwe awesano.
