Penienon wunun konik: Weweiti met omw ewe utility bill a meeni

Siwinin ar kastemer billing epwe poputa non July 2026

Poputa non July 1, 2026, kastemer repwe kuna och ekesiwinin non nour utility bill minen City of Portland.

Kaieo sopwosopwen porous ena kekitan rate non July 2026 me pwata a ouchea

Kaieo pwal ekkoch mettoch ussun ewe Flood Safety Benefit Fee

Iei kich mi angang won ach sipwe ekisatiw momon me anisi ekewe ir mi nit aninis. Kich mi awora ekoch sokopaten pekin aninis ngenir ekewe kastemer ir mi nit aninis e meeni ar bill.

Kaieo sopwosopwen porousen ach kewe prokramen aninisn moni, aneen omw kopwe ekisatiw omw aian konik, me ekoch aneen omw kopwe ekisatiw omw bill.

Ia a no ia monien omw ewer bill

Napengeni monien omw ewe bill a feino ngeni momon sewer, stormwater me aninisin konikin wun mi kawor meren ewe Burueau of Environmental Servoces me Portland Water Bureau. Ewe City a pwan ioni ewe Flood Safety Benefit Fee won omw bill ren monien an epwe meeni ngeni ewe Urban Flood Safety me Water Quality District.

Konikin wun, sewer, me aninisin stormwater

Pekin angangen konik ese mecheres. Ach ewe pisekin awora konikin wun mei pachonong ruu aneen konik, unungat imwen sefeien enimenim, nuseni 2,250 mile en paip, iwe pwan ekoch. Ach kewe pekin stormwater me iseisen konik mi nimengaw mi pwan wor sopwosopwen 2,500 mile en paip, fite ngerou green streets, iwe arapakan 100 pump stason, ruu plant ren neenien sefeien enimenim, me fite acre ren fonu mi llollo me aneen chan pupu.

Ekei pisek me ekewearamas ra angang won ra fori ochu pwe epwe wor:

• Nimochun, me tumwunochun konikin wun mi pu seni ach tap
• Mi utuno ach toilet iwe mi pwan wor sefeien konik mi nimengaw 
• Kich mi pwan tumwunuochu stormwater faniten eukano apeipei me ekisatiw potan sat
• Ach kewe aneen konik mi nonomwoch

View full size image of Two construction workers inside a muddy, wet excavation cut into a broken pipe

Ekei rate ra meeni ach angang ne awora, tumwunu, me anapano ekei aneen konik.

Mi tori ukukun 1,160 chon angang ra wisen angang won me tumwunu ei anapanap sia forata. Sia angang 24 awa non ew ran, 7 ran non ew week, unusen ier ach sipwe fori fichi pwun konikin Portland mi tumwunoch me murino.

Chomong pisekin non ach ei system a mwukono a ouchea epwe forsefan ika fen asiwin. Ren ach sipwe awora monien ach kei system ikenai, sia tongeni epeti an esapw tano seni kich, eukano an esapw fis angangen atepwanepwn, me ekeunon ekei aninis—iwe sia pwan tumwunoch ach sisapw nikiti och watten momo ngeni nouch chon feito me murin.

Sia pwan nit sipwe meeni ekewe pisek me mwesin ren ach sipwe sefeini omw ewe konik me tumwunu ach ei pekin konik. Ei a pachonong metoch awewe ren:

• Pisekin kantrak me mwesin awewe ren konkiri, teking, me mwesin mi chou
• Pisekin ach angang awewe ren paip, valve, me hydrant
• Chemical me ekoch pisek sia nounou ne sefeieni ekewe konikin wun me konik mi nimengaw
• Fifi me kas ach sipwe awora fifin ach kewe pisek me taraku

Non ekewe ier a no, momon ekei metoch a mutir kekeita nuseni ewe rate en inflason. Wewen pwun epwe napono moni sipwe kamo won ren ach sipwe awora ekewe chok aninis sa fen awora.

Omw ewe chachin sewer, stormwater, me konik mi anisi ekei ouchea aninis.

Tichikin omw kewe chachi

View full size image of Pie chart with 6 parts large to small: sewer, drinking water, stormwater, base charge, Flood Safety, Portland Harbor. More details on webpage below graphic.

Napenon masowen omw ewe utility bill a meeni aninisin sewer, stormwater, me konik, a pwan pachonong ekewe chachi mi peeni ekoch publik aninis. Ena sasing me asan a pwarano fite nunun omw bill a feino ngeni ew me ew ekei system me ekewe chachi.

• 33.2% seni omw bill a meeni ewe pekin sewer me sefeien konik mi nimengaw. EI mi pachonong ekewe paip, pump, me imwen sefeien konik mi nimengaw.
• 25.7% seni omw bill a feino ngeni kaworen konikin wunumi. Ei mi pachonong angangen ach sipwe fori ochu pwun mi tumwunoch unumom konik me tumwunun ekewe paip, tank, me hydrant.
• 24.5% seni omw bill a anisi ewe stormwater system, ren angangen tumwunun konik mi puno seni al, asan imw, me parking lot. Ei system a eukano apeipei me ekisatiw an esapw fis potan sat.
• 15.6% seni omw ewe bill iei ewe base chachi. Ei a mwut ngeni kich ach sipwe awora aninisin kastemer, angangen billing me aneian meter ren konik.
• 0.7% seni omw bill a meeni an ewe City momo ngeni ewe Urban Flood Safety me Water Quality District. Ewe Flood Safety Benefit Fee a anisi ach sipwe meeni ekewe neenien tumwunochun potan saat me won ewe Columbia River.
• 0.4% seni omw ewe bill a feino ngeni ewe Portland Harbor Superfund. Ei a iseis ngeni angangen enimenimen ewe neeni non Portland Harbor me non ewe Williamette River.

Ekena namba mi aneiata ren fatafateochun. Ekei percentaich a onongonng won ewe average chachin ren imwen kastemer. Tichikin angeien won omw bill epwe onongonong won omw aia, neeniomw, me ewe tapin account.

Iteiten meinisin noumw senis a feino ngeni

View full size image of Pekin Angang me tumwunun pisek: $0.45, Ochunon system projek: $0.13, Momon sefanin loan: $0.30, Momon Administrative: $0.11, Ekoch chachi: $0.01

Iteiten moni seni omw ewe utility bill a meeni ekei pekin aninis:

Ifa usun sia nounou noumw moni ne anisi angangen ochunon ach pekin konik

Sia wanong moni non projek faniten manawetamen an Portland pekin sewer, stormwater, me konik an epwe nomwotam tori ekan ran epwe feito. Projek faniten ochunon ach system:

• Ach eteneki ekewe pisekin ach angang a minen nomw me momon tumwunun
• Ekisatiw fisefisen an epwe wiwitan tanon pisek mi momong me atai ach angang
• Amwonata ach kewe system an epwe mwoneta ngeni emerchensi awewe ren chechun fonu, punopunen af, me kasiwinin asepwan
• Fori fichi pwun kich mi oponuweta ekewe onuk
• Ekei projek faniten ochunon system mi sokopat nikinikin. 

View full size image of ewe Secondary Treatment Expansion Program seni Environmental Services

Ekei projek faniten ochunon system mi sokopat nikinikin. Awewe, ach ewe Carolina Trunk Sewer Projek epwe siwini ew watten paipen sewer a nomw fan Interstate 5 non South Portland. Ewe Inverness Pump Station and Force Main Improvement Prokram mei pachonong chomong projek an epwe fori me siwini ekewe ouchean force main (pichipichin paipen konik mi enioput) me ekewe pwan neeni mi awora ngeni 60,000 imwen aramas me business. Iwe ren ewe Columbia Boulevard Wastewater Treatment Plant, sia awesano ewe saingon foforun ewe Secondary Treatment Expansion Prokram.

Ewe Bull Run Filtration Projek iei pwan ew watten projek, mi nomw fan emwenin ewe Water Bureau. Sia nit ei imwen sefeien konik an epwe fiti oponuwetan onuk me ach sipwe wawu Cryptosporidium seni ach konik. Ei project epwe tumwunu ach pekin unumach konik faniten fisefisen punopunen af, ranin asepwan, me ekoch emerchensi.

Ekei tapin projek ra mwut ngeni chon tarpweto nesor me ponon ar repwe pwapwaiti ach pekin konik usun chok kich mi pwapwaiti.

Iseisuno monien ewe Bull Run Filtration Projek

View full size image of Aerial of filtration facility construction site on June 18, 2026.

Ewe Bull Run Filtration Projek nge ew aian moni faniten tumwunun nonomwun aramas nesor me ponon. Ukukun momon ena minafon imwen filtration me paipline epwe $2.56 billion.

Nupwen a wesno, ei angangen moni epwe:

• Wawu foufoun (pwun) me menin paiking awewe ren Cryptosporidium seni unumach konik
• Tumwunu Nonomwun Aramas
• Amwonata ochu ach pekin konik ngeni siwinin asepwan, chechun fonu, punopunen af, me watten aepwan

Ei projek mi kawor monien seni ewe sopwan konik seni omw ewe bill, bond minen monien konik, me loan seni mwun federal.

Ei monien bond me loan seni mwun federal a mwut ngeni kich ach sipwe kinitiw momon ei projek non ekan ran. Wewen pwun sia tongeni eimanga ach ekita momon rate non tamen fansoun. Nge, kekitan rate mi ouchea ren aninisin ei ekiekin angang faniten mwach kan.

Angangen filtrason mi nakatam ouchean ngeni chon non neeniach. Ena watten momon nepoputan a ouchea faniten unumach konik non neeniach nesor me ponon. Filtrason a anisi kich ach sipwe nukei konik mi nimoch, konikin wun ngeni ekana chon tapweto mwach.

Kaieo sopwosopwen porousen ekei filtrason projek ren momon me monien

Iseisen monien system a anisi kich ach sipwe mwoneta ngeni siwinin okooten ran me asepwan

Ekesiwinin asepwan a fori met epwe naponon osukosuken me afeiengaw ngeni ach kei pisekin angang. Ekesiwinin aepwan a anapano fisefisen punopunen af, chowun ran, me pwan ekoch watten asepwan. Noumw kena moni ra anisi kich ach sipwe apochokuna ach kei system ngeni ekei emerchensi.

Nupwen a tori ach pekin konikin wun, ekewe projek awewe ren Bull Run Filtration a men ouchea. Non Akos 2023, fifi seni lang a keni ewe Camp Creek Fire me non ewe Bull Run Watershed, an Portland ewe aewin neenien konik. Ika mwo pwun ei af ese wor angeien won ach tufichin awora konik seni Bull Run, mi tongeni fis. Murin ew watten af, pwungutiwen ran a kan tonuno watten pwun, peipein ira, me paias non ach kewe iseisin konik. Ika mwo esapw wor af, watten pwungun ran, asepwan, ika sechin fonu mi tongeni afisi an pwun me peipein ira repwe tonong non ewe iseisin konik.

Ena neenien filtrason nesor me ponon epwe tongeni wawu pwun, peipein ira, me paias seni ach konik. Kaieo sopwosopwen porousen filtrason ren an epwe amwonata kich ach sipwe awora konik seni Bull Run murin ew watten punopunen af ika asepwan.

Siwinin asepwan mi pwan siwini nikinikin pwungun ran non Portland. Nakatamen fansoun pwas me wattenon asepwan mi pwan tongeni anapano lengita me potan sat, me aworata minafon osukosuk ren tumwunun ach stormwater.

Angangen projek ren forun ekewe fonu mi kan puno sat me iseisin moni faniten aian mwesin mi nimoch a tongeni anisi kich ach sipwe mwoneta ngeni ekei sisiwinin ran. Forun ekewe fonu mi kan puno sat won a ekisatiw an stormwater epwe tonong non ach system nuwen asepwan, me ekisatiw afeiengawen potan sat. Rain garden me ekewe pwan ekoch pisek mi nimoch ra supwuri me ekisatiw mwokutukutn stormwater pwe epwe tongeni tonong nepwun. Ekei okoot ra tongeni pwan anisi kich ach sipwe aia sefan ekewe konik fanupwun ne atoura ngeni ekewe neeni mi kar, nupwen fansoun pwas.

Met sia fori faniten ekisatiw momon

Sia otures non ach angang pwe sipwe tongeni ekisatiw moni sia nouni ika epwe tufich. Nge, chomong ekei momo ese tongeni epwe kekitiw ika esapw wor ekisatiw ren ekewe aninis sia awora.

Ratin konik, sewer, me stormwater ra onongonong won ewe momon awora ekei aninis mi ouchea. Ei mi pachonong ekewe momon metoch mi foruno chok me nomw awewe ren momon ach fifi, momon niwinimang, forun paip mi tano, me momon ekewe chemical faniten enimenimen unumach konik an epwe nimoch me oponuweta onuk. Ei mi pwan pachonong okooten moni non fansoun nakatam, awewe ren ewe neenien filtrason ren konik ika ren upgradin ewe plant ren sefeien konik faniten Environmental Services.

Chon Portland ra onongonong won kich ach sipwe awora konikin wun mi nimoch, sefeini konik mi nimengaw, me tumwunn stormwater. Monien omw ewe bill a feino ngeni momon ekei aninis.

Sia kuta nonopok ren met mochenich non ekan ran feino ren ach konik me angeien moni me ekoch metoch non ekei ran. Ika mwo pwun mi chomong ekena momon metoch a nomw nukun ach tongeni, sia sinei pwun iteiten moni meinisin mi ouchea. Kich mi fori meinisin ach tongeni faniten ekisatiwen ekei momon aninis ngeni nouch kastemer.

• Kich mi kan okoota ekei watten projek non ekiek me etenek. Kich mi pwan amwokutu pisek me moni ika epwe ouchea faniten an epwe kukun chok kekitan rate iteiten ier.
• Nupwen sia awora monien ekei projek mi watte, sia nenengeni ekoch okoot ren ekisatiwen momon moni. Awewe, ewe Water Bureau a fen tingor monien loan seni mwun federal faniten ewe Bull Run Filtration Projek. Sia aneiani fichi nge ei a savini ukukun $387 million ngenir kastemer ren ena projek.
• Kich mi okoota moni faniten met mi ouchea ngeni kich. Kich mi anomwota angangen forun me siwinin pisek a arap ngeni epwe tano. Ei a anisi kich ach sipwe ekukano an esapw wor angangen forun pisek mi wiwita nesor me ponon.
• Kich mi kan fori angangen forun pisek, ren epetin afeiengaw, tumwunun pisek faniten ach system. Ei epwe atamano manawen ach kei pekin aninis. A pwan anisi kich ach sipwe fori met mi ta me mwen epwe watteno momon fori.
• Kich mi awora pekin prokramen aninisin kastemer faniten aninisin ekewe ir mi nit aninis. Kich mi awora sokopaten kekeri ika chuuri ach ewe kumin aninisin kastemer ren ami oupwe katon met ka tongeni fori. Ika mi weires ngonuk omw kopwe meeni omw bill, kose mochen kekeri ika chuuri ach ewe kumin aninisin kastemer ren ami oupwe katon met ka tongeni fori.

Okoota monien aninisin kastemer

Kich sisapw mochen epwe wor emon epwe osukosuk ren an meeni ekei aninis mi ouchea. Kich mi okoota monien ekoch anapanap—kich mi okoota monien aninisin kastemer. Kich mi awora sokopaten prokram faniten aninisin kastemer ren ar repwe manaichini me tufichin meeni ar bill.

Iei usun omw kopwe tongeni tikeri ekei prokram:

• Amasow ngeni aninisin moni. Ika en mi tufichin aia ekei aninis, iwe epwe toruk ew discount won omw bill. Kopwe pwan tongeni aia ekoch pekin aninis awewe ren aninisin forun paip mi lechuno me voucher faniten ranin osukosuk.
• Amasow ngeni ena Clean River Rewards discount prokram. Ika en mi tufichin aia ena aninis, iwe en mi tongeni savini tori 35 percent ren momon stormwater won omw bill.
• Ika ke nit atamen fansoun omw kopwe meeni omw bill, tingor okooten momo.
• Ach ewe prokramen aia ochun konik mi tongeni anisuk omw kopwe ekisatiw omw aian konik, me tumwunu noumw moni. Kaieo sopwosopwen porousen ifa usun omw kopwe tongeni tumwunu omw aian konik.