Translate this Page
Nochei omw kopwe apatapateok me tumwuneoch atun a tori ekkewe fansoun a kon watte pwichikar me Portland
Epwe ifa ussun omw kopwe apatapateok nupwen fansoun a kon watte pwichikar me pwiich enienin asepwan. Kutta ekkewe neni en mei tongeni nomw non mei apatapat non, ekkewe neni mei kokus me puwacheta konik me ian ren water fountain me splash pad me pwan ekkewe nenien tuken. Nochei ne apata non imwomw. Eiamwiri ekkewe aramas ir mei nomw unukumw. Nochei epwe nafeoch unumwomw konik.
Kutta ew neni mei apatapat non.
Nupwen a unusen watte pwichikar, ewe neni Multnomah me Portland ir mei suki ekkewe neni mei apatapat non, awewe ren:
- Imw mei apatapat non
- Neni en mei tongeni nomw ika meur ian non mwochomwochen fansoun mei pwan apatapat non
- Neni ika imw mei suuk ngeni meinisin aramasan en neni
- Nenien Imwen Pwuuk
- Nenien achechen ika misting station
Kutta eche taropwe mei ettettenatiw meinisin won An ewe neni Multnomah webpage “Aninis nupwen fansoun a pwichikar.”
Kutta ew neni mei apatapat non mei kanengonuk me wonei map.
Mei tufich an ekkewe aninis e kawor seni Trimet epwe mangeno atun fansoun a kon pwichikar enienin asepwan. Kaeo porousen mwekutukutun TriMet, MAX, me WES me won trimet.org/heat.
Ren tichikin porousan ekkewe neni mei apatapat non, kekkeri 211:
- Kekkeri 211 ika 1-866-698-6155 (24/7)
- TTY: Tiki 7-1-1 me pwan keri 1-866-698-6155
- Text omw ewe zip code ngeni 898211 (TXT211) Sarinfan-Enimwu 9nesosor-5nekunion
- Email ngeni help@211info.org – Angei penuwan nefinen 24 awa
- Minatiw ewe 211info app seni ewe Apple App Store ika me won ewe Android seni ewe Google Play Store.
Kutta ekkewe neni mei apatapat non me non ewe Neni Washington
Kutta ekkewe neni mei apatapat non me non ewe Neni Clackamas
Kutta ew neni en mei tongeni achechenuk ian
Portland Parks me Recreation (An Portland Neni e wiisen mesemes won tumwunun park me nenien kukkunou me ekkoch program me aninis ir mei awora ngeni aramasan en neni) ir mei nochei epwe wor nenien konik epwe kus me pwuacheta me ian omw kopwe tongeni aia (fountain) ir mei kan chek okusano ekkei konik atún ekkewe fitu maram non summer. Mei OK ika eoch omw kopwe kukkunou ngenir! Kich mei pwan okusu ekkewe konik an epwe pwuacheta ren splash pads mwurin ewe saingonon raanin sukkun.
Ren tichikin porousan ekkoch an Portland Parks me Recreation kewe prokram mei pwan tongeni osukosuk ren pwichikar, no ngeni Portland Parks me Recreation ren porousan fetanin enienin asepwan.
Kutta ew nenien tuken
Portland Parks me Recreation ir choon anganga aar kewe ruwanu nenien tuken non me fisu nenien tuken nukun. Ekkewe nenien tuken nukun epwe suuk akarap nesopwonon Suun.
Tuken non ekkewe chenupwupwu Willamette me Columbia mei tongeni epwe apwapwa fiti fengen me pwan kinamwe. Kopwe tumwuneoch! Napengeni popun me wewen aramas re kan mwonumw e etto seni an e kon patapat en konik, a kon kun en chenupwupwu, nono ika mwutir fetanin en konik, me pwan wor pipi e feito seni mwurimwurin fetaningawen enienin asepwan me seni an pwu konik ika warawar.
Kutta ekkewe park mei wor konik ian me pwan nochei kopwe angei me sinei porousan tumwunumw me non ekkewe chenupwupwu Portland atun ka tuken.
En mei ani kokkotun omw kopwe achechenuk non ewe chenupwupwu Willamette? Katon ika cheki ewe Rec! Kich mei tesini nimeochun en konik non fitu ekkewe neni me non Willamette me pacheta pwungun met kich mei kuna iteiten wiik. Katon tichikin porousan me ren ewe Cheki ika katon ewe Rec.
Nochei epwe apatapat non imwomw
An Portland ewe Program E Wiisen Mesemes Won Angangen Apatapat (Cooling Portland program) mei awora ekkewe sokkun pisekin apatapat/epwichipwich kich mei tongeni emwekutu seni ew me ew neni a men pwan mwurine ngeni ekkewe ese watte ar mwoni tonong me Portland. En mei tongeni aia ew ekkei pisekin apatapat, anongonong won nonomwumw. Mei wor taropwen utiwit ren an emen epwe aia ew ekkei pisekin apatapat. Kaeo omw kopwe sinei porousanAninisin Apatapat me Portland meamasow omw kopwe aia ew ekkewe pisekin apatapat.
En mei pwan tongeni aia ew aircon ika pwe en mei nomw won ewe Oregon Health Plan. Kaeo omw kopwe sinei porousan an Oregon Health Plan ewe Climate Supports ika Aninis Ren Enienin Asepwanprokram.
Katon ekkei kapasen eurreur seni ewe Oregon Citizens’ Utility Board ren ifa ussun omw kopwe apataeok nge ese wor omw air con .
Chechemeni, ekkewe air con mei tongeni mwekut seni ew me ew neni e chek tongeni an epwe pwurenong non ekkan nenien pwuropwurenong senin fifi won etip. Omw aia ekkewe senin fifi ren extension ika surge protector (pisekin fifi e feri an esapw kon mwongomwong fifi) mei tongeni esenipato an epwe kar pwun ese kon watte pechekunan me ina epwe kon chou ngeni ekkewe pisekin apatapat. En mwo minafen saan mei chiwen chek eochun aia mei tongeni kon pwichikar iwe a kar. Pwan ew, kosapw asai en senin en pisekin apatapat faan en karpet ika sof ika won en etip. Mei tongeni esenipato an epwe kon pwichikar iwe mei pwan feri an en senin fifi epwe pachengeni ekkewe pisek mei mecheres epwe kar ren. Aneani sopwosopwun kapasen eurreur ren ifa ussun omw kopwe epeti kar.
Cheki omw famini, chienomw me ekkewe aramas re nomw unnukun imwomw ewe
Mei wor ekkoch aramas mei kon ngaw ngenir ese nifinifin sokkun pwichikar, mei pachenong ekkewe aramas mei wor ar semwen, ekkewe semirit ika ir mei chiwen kukkun me ekkewe ra chinap.
Non ekkewe ier și keran chek tou seni, ekkewe aramas re kan pwusin imwuno won ar me ese wor ar air con ikkeir ekkei e kon nap me neir re semwen me mano. Cheki ekkewe aramas re nomw unukkun imwomw, omw famini me chiechiomw ir mei chek akanamen me imwuno won ar.
Ekkewe aramas re nomw unukkun imwomw na ese wor imwer ir epwe kon pwan mecheres an epwe kon pwan watte ngenir pwichikar. Chekir, me pwan kakkaton ir. Kekkeri 911 omw kopwe tingor an epwe wor choon chekir ika pwe ir mei pechekun seni ekkewePortland Street Response (Choon Penuweni Osukosuken won aan me Portland) ika seni pwan ekkoch ekkewe choon angang re kan akkomweiti ne penuweni osukosuk mei weweita me atapwanapwan.
Nochei kopwe pwan tori ekkewe sokkun aninis me sinei porousan ekkkewe kapasen eurreur ren ifa ussun omw kopwe tuwuneochuk me omw kopwe pechekun me won ewe Peich e awora porous ika esinesin ngeni meinisin aramas ren Watten Pwichikar .
Kosapw kek mettoch
Kosapw kek anapi. Ewe Sopwun Portland mei ennuku pwe esapw wor anapi unusen en ier.
Atun a fetan enienin asepwan a men watte pwichikaran, ewe Fire Marshal (Chon Epechekuna Ennukukun Ekei) Mei tongeni wau esinesin pwe esapw wor ika esapw mwuumwuuta kek. Ika repwe enuku esapw wor kek iwe ese mwuumwuuta:
- Kek emwuch atun kukkunou me kamp
- Nenien kek ekei me emwuch
- Keni pipin nukkun imw
- Keni pipin ira
- Kek nukkun
Katon tichikin porousan, katon me won ese mwuumwuuta kek me Portland.
Katon tichikin porousan kek nukkun, won sitof mei fer seni emwuch me nenien kekin ekei me non imw me non ewe Neni Multnomah.
Nochei epwe naf unumwomw konik
An Portland ewe konikin uun e kusuto me non paip pwan iei eochun konik non fenufan. Awatei unumwomw konik unusen en raan. Isoni noumw mwoni me ekkukunatiw ne aia plastik pwan nochei kopwe aia ekkewe nenien konik en mei tongeni anenei (amasowa) sefani ngeni ekkewe konikin uun e kus seni paip me men kopwe tou nukun ika fiti taraku. Amasowano (anenenoi) unuman noumw man konik non an pwon iteitan. Ach kewe minen nomw Benson Bubblers me pwan nenien konikin uun ir mei kus iwe ir mei awora konik mei eochun uun me pwan kus iteiten fansoun meinisin.
Nochei kopwe apatapateok nupwen fansoun pwichikar— katon ekkan kachito non kapasen fitu sokkun fenu
Cheki ekkei fitio mei mwurine ren ifa ussun omw kopwe apateok non ei pwichikar. E feito seni an Portland ewe Peiraken Tumwun Atun E Wor Osukosuk Mei Weweita Me Atapwanapwan (Portland’s Bureau of Emergency Management).
- Nochei kopwe apateok: Vietnam: Tiếng Việt
- Nochei kopwe apateok: Rusia: русский
- Nochei kopwe apateok: Spein: Español
- Nochei kopwe apateok: Ukrain: українська мова
- Nochei kopwe apateok: Saini: 官话
- Nochei kopwe apateok: Nepal:
- Nochei kopwe apateok: Pwomw non Kapasen Merika (Pwomw non Kapasen Merika)
Mettoch kopwe chechemeni atun a fetan enienin asepwan a men unusen pwichikar
- Tumwunun choon angang. Non Oregon, epwe wor konik, me nenien asese me neni choon angang repwe tongeni tonong faan non ekkewe raan mei unusen pwichikar. Kaeo omw kopwe sinei porousan tumwunun faan akar non nenien angang me pwan katon porousan eppetin semwen e feito seni pwichikar me pisekumw kopwe ota ngeni ei fansoun.
- Weiresin pekusun faan akar. Ei Kato E Awora Porousan Weiresin Pekusun Inis Faan Akar e anisi omw kopwe esina ekkewe esisinen semwen e etto seni pwichikar me ifa ussun omw kopwe mwutir ne kuut choon aninis.
- Aninis ren niwinin omw konik. Ika pwe ke weires ne meni niwinin sewer, konik e pwu seni pwungumwongen raan me ngawen enienin asepwan, me niwinin konikin non imwomw, kich mei tongeni anisuk. Kaeo ifa ussun omw kopwe amasow niwinin an epwe kotur niwinin omw konik me ekkukkunatiw omw aia konik.
- Aninisin Kapich. Ekkewe choon uwei sein kapich ir mei tongeni poputai kai seni ewe kunokun re kan poputa pokiten a kon watte pwichikar. Nochei omw kosapw tunano fansoun repwe angei kapich, amwonata omw kapich, eimwueno ekkewe sokkun kapich mei eochun fer me aia sefan, me ekkewe nenien kapichin piin mwenge non ena pwinin epwe sorota ar repwe angei .
- Nimenimeochun non asepwan me etuwet. Katon ewe Air Quality Index omw kopwe kuna ika mei ifa ussun nimenimeochun en asepwan me pwan kaeo porousan met epwe enimengawa en asepwan me osukosuka pechekunen inis. Kosapw kek pipin nukkun imwomw.
- Fansoun katon ika en imw mei chiwen eochun nomw non. Ekkewe angang e fiis faan iten ar repwe katon en imw ika mei chiwen eochun nomw non mei tongeni epwe mangeno pokiten e kon watte pwichikar. Ren minafen esinesin, no ngeni Portland Permitting me Development (An Portland Ewe Neni E Wiisen Mesemes Won Taropwen Mwuumwuuta Ren Keu Imw)
- Osukosuk mei me atapwanapwan e feito seni an a siwin enienin asepwan. Mei wor wiisan Portland a men unusen auchea an epwe anganga an a siwin enienin asepwan non fenufan, iei met ei e esenipato an a kon watten ekkesiwinin e fiis ren enienin asepwan (an epwe ne kon pwich ika pat). Katon sopwosopwun porousan won ren met ei Sopw mei feri an epwe anisi osukosuk mei weweita me atapwanapwan e etto seni enienin asepwan.