TUMWUNEOCH OMW KA NO NGENI IMWOMW: Kapasen Eurreur Atun Sai Nge Mei Pung Sno me Ais

Awora kokkot nupwen epwe ngaw enienin asepwan atun patapat

• Feri ew omw kokkot ngeni omw famini me chiechiomw ne angang omw kopwe mwone ngeni ika epwe wor osukosuk mei weiweita me atapwanapwan atun a poputa ne paat. Anomwu non omw kokkot omw kopwe angang chek me non imw ika pwe epwe tufich, ika fiti ekkewe sein mwuun. Fini ew nenien chuufengen atun epwe wor osukosuk mei weweita me atapwanapwan. Katon ekkewe aan kopwe fiti atun e pung "sno me ais" mei kanengonuk: 

Porousan Ewe Nenien Esinesin Ren Enienin Asepwan Atun Patapat

• Feri eche noumw taropwe ren met ekkan kopwe amwoneta ren non imwomw, non omw business (sopai) me pwan nefen womw: 
  • An en ais a tenino me sefen. Ekkewe aramas mei wor wesetan imwer, ekkewe aramas re nonomw non en imw esapw wesetan imwer, me ekkewe business (sopai) repwe awora sefen ren ika a tenino en ais ika ren sefenun sno pwe repwe mwone ngeni ne nimeti nenien fetan ika ikkewe ian war kewe taraku e kan sa ian.
  • Mei wor met mei efeingaw mwomw. Kopwe mwoneta omw kopwe esine ngeni aramas pwe mei wor met mei tongeni efeingawer ren ena neni awewe sno ika ais epwe turutiw, ira ika asira epwe tur.
  • Epeti an esapw sén pwun. Ika pwe imwomw na ika omw ena business (sopai) e nomw non ekkewe neni mei mecheres an epwe sén pwun ian—akkaewin non atun fansoun e pungumwong raan ika an a ten en sno— kopwe mwoneta ne nochei ne nimeti pipi non ekkewe warawar, ekkewe paipen fetanin konik  faan pwun, me ekkewe mechan amworomworen pipi pwun etto osukosuka fetanin konik an a pwu.  No ngeni ach ewe peich ren porousan Fenu an a sen, konik a pwu, me ekkewe pwotoun pi. 
  • Ekkewe sein. Kopwe mwan nochei kopwe uwouw seinen womw taraku non sno. Katon faan ren unusen porousan ekkewe pisek epwe wor nefen womw ren omw kopwe mwone ngeni ngawen asepwan atun patapat.
• Nonomw ne sinei porous. Maakenong itomw omw kopwe tongeni angei esinesin seni PBOT non omw email ika text. Fifiti won meinisin ach kewe social media @PBOTInfo . No ngeni an PBOT ewe Guide to the Winter Weather Center (Porousen Ewe Nenien Esinesin Ren Asepwan Atun A Patapat) omw kopwe kaeo ifa ussun omw kopwe kakkaton minafen porous ren enienin asepwan, fetanin chitosa/taraku won aan, aan mei kesip, me porousan kumekumen/enimenimen sno.  Porousan ekkewe nenien asese mei epwichipwich mei nomw won an Multnomah County ewe peich ren Care for When It's Cold (Tumwunun Atun Non Patapat) (si aia  Google Translate an epwe ekkesiwin  maaken non ngeni kapasen ese nifinifin fenu).
• Kááp me isoni mwenge, konik, pisek me safei, epwe namwot ngonuk, omw ena famini, noumw kewe maan, ika omw ewe business (sopai) arere ika pwe ou mwochuno ren ngawen enienin asepwan atun patapat- me non imwom me pwan nefen womw taraku.
• Cheki ekkewe aramas unnukkun imwomw na repwe ekkis mefi nipwakingaw ekkewe mei namwot an epwe wor choon anisir ar repwe kááp me isoni aar kewe pisek me mwen epwe watte enienin asepwan ika ren an epwe nimenin ar nenien fetan mwurinon.
• Amwoneta omw kopwe emwekutu womw taraku seni ekkewe anen "snow and ice ika sno me ais" pwun sipwe tongeni kumekum/enimenim sno won aan me pwan wor nenian ach pisek.

Amerano omw sai 

• Nochei kosapw sai nupwen epwe wesen watte enieningawen asepwan, ika pwe en mei tongeni.
• Nonomw ne sinei porous. Maakenong itomw omw kopwe tongeni angei esinesin seni PBOT non omw email ika text. Fifiti won meinisin ach kewe social media @PBOTInfo . No ngeni an PBOT ewe Guide to the Winter Weather Center (Porousen Ewe Nenien Esinesin Ren Asepwan Atun A Patapat) omw kopwe kaeo ifa ussun omw kopwe kakkaton minafen porous ren enienin asepwan, fetanin chitosa/taraku won aan, aan mei kesip, me porousan kumekumen/enimenimen sno.  Porousan ekkewe nenien asese mei epwichipwich mei nomw won an Multnomah County ewe peich ren Care for When It's Cold (Tumwunun Atun Non Patapat) (si aia  Google Translate an epwe ekkesiwin  maaken non ngeni kapasen ese nifinifin fenu).
• Utti tori an a ekkis eochuno raan me mwen kopwe sai. Awora fansoun epwe naaf ngeni omw kopwe tori ian kopwe no ian. Mei tufich epwe mwutir ekkesiwinin watten enienin asepwan me sno, nge ese pwan wor esinesin me mwan, minne mei tongeni esenipato an esapw fateoch porousen omw sai. Ew watten enieningawen asepwan ika pwungumwongun sno ika ais mei sokofesen enienin ngeni ew me ew tenin imw e chek anongonong won fetanin, kunokun, me pwan en neni.
• Mwuut ngeni ekkewe sein kumekum me sein aninis ren osukosuk mei weweita me atapwanapwan epwe akkomw mwomw pwe repwe feri aan.
• Anisi ekkewe business (sopai) ren neniomw na atun ka  nonomw ne utiwit ngeni an epwe eochuno won aan.

Eurreur ren omw fiti ekkewe sein mwuun

• Otano kokkotun anomw won TriMet.org ika kekkeri 503-238-7433 ren pas me MAX. Mei wor aninisin kapas non fite sokkun fenu mei kawor. Portland Streetcar schedules and information here  (Katon Porousan me Kokkotun inet Portland Streetcar epwe sa me ikkei) (Masowen ei site ika neni e chek kawor non kapasen Merika)
• Awateno omw fansoun pwe ika e wor met mei weweita epwe amangokono.
• Ren aninis ngeni ewe neni OHSU Marquam Hill, cheki Portland Aerial Tram ren tichikin porosousan ren fitemen aramas mei tongeni uwouw me kunokun ar suuk atun ngawen asepwan me (Maakan won ei site ika neni e chek kawor non Kapasen Merika).

Porous murino fan iten chon fetan

• Fetan ren ewe nenien crosswalk ika unukun an. Chechemeni pwe mei tufich ekkewe choon uwouw taraku repwe mang pokiten ina repwe mangeno ren ar soun kouno ren ngawen raan me ais. 
• Nefengen me ekkewe choon uwouw taraku me sopweno ne neno akkomw won peniefefinomw-peniemwanumw-peniefefinomw sefan me mwen kopwe pwere seni epek en aan ngeni epek.
• Ufouf uf mi atrak anuan. Ufouf uf mi monuponup ika pwun mi roch nukun iwe/ika wou tengki
• Ufouf eta pwun kosapw fou. Kosapw monukano noumw gloves me akawom. 35% ren pwichin inisich a towu seni chamwach
• Nounou sus pwun epwe mecheres omw ipweipw. Tumwunuk kosapw turuno won neni mi chochon ika wor ice.

Porous namot fan iten chon basiken

• Nochei epwe pwas pisekumw me kopwe epwichipwichi inisumw ne aia fender (pisek e anisi an esapw paras konik ika pwokak), pipisek pisek ese tongeni chechen, peupeu, me imweimw akaw.
• Aia ekewe taia mi manuoun pwun epwe sosonoch, mecheres ne sa pwan akunu.
• Katoneochu met epwe efeingaw won aan nupwen fansoun e watte me ngaw enienin asepwan. Watten enieningawen asepwan me pungumwongun sno mei tongeni esenipato an epwe tur fifi ika kun ekkewe tenkin won aan e anisi ne esisina an taraku repwe sa/keuno/amangeno. Mei tufich epwe wor ira ika panen ira epwe turuno, epwe pwuu néné ika konik, pwokak etto seni en pwun e sén, me pwan ekkoch nimengaw ika pipi e epeti en aan ika nenien fetan. Repotini ese nifinifin met mei epwe efeingaw e nomw won aan ngeni an PBOT we Maintenance Dispatch (Ewe Choon Akekei Choon Angang Repwe Feri Aan) ir mei suuk 24/7 won en nampa 503-823-1700. Mei wor choon aninisin chiaku/choon afeu porous epwe kawor.
• Aia ekewe tengkin basiken me mwan pwan mwirin. Kopwe ufouf uf mi saram tin ika aia ekewe tep mi monuponup pwun aramas repwe kunok.
• Amangeno won ekkan aan e keran chek chechen. Mei tongeni an epwe mitimit me nikafafas.
• Katoneochu ekkewe cheen ira mei chechen pwun mei tongeni epwe pwan nikafas.
• Kopwe sou aia ena break iteiten. kosapw mutir, ngonuk anen omw kopwe kauno, pwan komwochunuk won ena kasi.
• Nochei ne riki seni ekkewe nene pwun mei tongeni an epwe opano ekkan pwang/mwot a men anonon. Repot porousan ekkewe mwot me pwan ekkoch mettoch epwe efeingaw won aan ngeni an PBOT ewe Maintenance Dispatch  (Ewe Choon Akekei Choon Angang Repwe Feri Aan) ir mei suuk 24/7 nampa 503-823-1700. Mei wor choon aninisin chiaku/choon afeu porous epwe kawor.
• Kosapw sa won ekewe an mi painit ika mi mecha me won.
• Kosapw passini ekewe sein snowplows, sein sanding me sein emerchensi 
• Pwan ekkoch aninis ren kapasen eurreur mei nomw won ewe peich an ODOT's Winter Travel Tips (An ODOT Kapasen Eurreur Ren Sai Atun Patapat) minne mei pwan awora maak non fitu sokopaten fenu.

Porous namot ren chon sa

• Okota anen omw sa. Cheki ach ewe Guide to the Winter Weather Center (Porousen Ewe Nenien Esinesin Ren Asepwan Atun A Patapat) omw kopwe katon ekkewe anen sa e kanengonuk atun an a pung sno me wor ais. Ren omw kopwe cheki porousan en aan me enienin asepwan non unusen Oregon, no ngeni  ODOT's TripCheck (Maakan won e chek kawor non Kapasen Merika).
• Kamo chain. Sosot akomw ne wata non neni mi pwas, iseni chok non womw, kopwe nounou. Ren tichikin porous, no ngeni PBOT’s Winter weather road closure and chain advisories (Kapasen Eurreurr seni PBOT ren porousan an a kesip aan ren ngawen enienin asepwan me eurreuren aian sein). 
• Nochei an omw kena taia epwe kapwoeoch, epwe pwan eoch ekkewe chechin taia, pwe epwe epeti an esapw faas, sékuno ekkis, ika sanong non watte nene iwe a weires ne eochun kerik.
• kopwe pi chon fetan me chon basiken
• Kopwe sa mwai chok. sa, kun, me breaki fichi
• Suki tengkin womw pwun chon sa repwe pwan kunok.
• Kosapw sotuni kopwe akkomw seni ekkewe sein kumekum, ekkewe sein uwouw tuken pi, ika sein aninis ren osukosuk mei weweita me atapwanapwan. Atowawa feseni nefinomw ngeni neuch kewe choon angang.
• Rongosich ngeni me epwenueta nupwen fansoun a kesip meinisin aan me wor eppet/tiit. An emen atai ennukun mei tufich epwe wesen watte niwinin chapen tipis.
• Nupwen a wesen fatengaw me ngaweno enienin asepwan, KOSAPW keuno non anen taraku epwe saa. Katon ian epwe eoch ngonuk, omw kopwe park ian pwan fiti ekkewe ennuk ren omw kosapw nomw won ekkewe anen sein kumekum ika utiwit tori a eochuno sefan.
• Kopwe wou ekewe pisek mi ouchea ren emerchensi ren asepwan. Ikkei ekkei pisek mei auchea kopwe apachanong:
  • ekkewe seinen taian womw en
  • ew sefenun non sno
  • ew tuken pi 
  • senin kopwe amanawa patirin womw
  • pworun pisekin safei
  • pwan ekkoch pisek (puraia, rench, screwdriver, me naif/sar)
  • panangket me uuf mei manun
  • pwan ekkoch mwenge me konik
  • cellphone me pwan ew chachin
  • tenki 
• Pwan ekkoch aninis ren kapasen eurreur mei nomw won ewe peich an ODOT's Winter Travel Tips (An ODOT Kapasen Eurreur Ren Sai Atun Patapat) minne mei pwan awora maak non fitu sokopaten fenu.

Eurreur atun ka mwochuno nefen womw

• Rikiu seni en aan omw kopwe park ian epwe eoch ian seni ekkewe anenap ika ekkewe anen kumekum.
• Utiwit tori an epwe eochuno me manamaneno.
• Kosapw kekkeri 9-1-1. Kekkeri chek 9-1-1 ika pwe e wor omw osukosuk mei weweita me atapwanapwan ren semwen me fiengaw ika ren omw kopwe reportini an emen tipisin atai ennuk.
• Nomw ren womw ewe taraku tori an epwe wor choon etto anisuk. Onei noumw kewe tenki  won womw ena (mei kan tin/kun) nupwen fansoun epwe wor osukosuk mei weweita me atapwanapwan, nono me onei sefani womw ena, iwe pwan ekkis suki asamacho pwe epwe fetan enienin asepwan.
• Ika pwe ke finata omw kopwe suseni womw na, KOSAPW nikitano non ekkewe anen saa taraku. Mei tongeni epwe epeti neuch kewe choon angang me ekkewe re kan wiisen akkomweiti osukosuk mei weweita me atapwanapwan. Epwe wor taropwen tipisin atai ennuk epwe pacheta won womw na, choon angei womw ena me wano non ekkewe nenien isoisen taraku atun a ta ennukkun. Anen omw kopwe kuna ekkewe wa ra angei, no ngeni search.autoreturn.comika kekkeri Police Auto Records (An Ponis Nenien Rekort Ren Waa)  won en nampa 503-823-0044.
• Tumwuneoch omw fetan atun ka fetan ngeni ekkewe nenien  pas/neni ikkewe ekkewe sein mwuun re keuno ian, nenien mwenge (kafie), me hoten
• Mwutir ne niwiniti omw kopwe angei womw ewe.

Mei wor kapasen eurreurren sai me esinesin mei maak non fitu sokopaten fenu

PBOT a maakei ekkoch kapasen eurreuren sai atun sai non patapat non kapasen fitu sokkun fenu non ekkewe taropwen esinesin mei sokopat enuwan. Angei Taropwen esinesin mei kawor non PDF ika  Word  mei maak non me ruu Kapasen Merika me kapasen en fenuomw  omw kopwe awora ngeni omw aramas ika pwe mei eoch.

PDF

Document

PDF fileTUMWUNEOCH OMW KA NO NGENI IMWOMW: porous namot fan iten winter1.11 MB

Word

Document

Word fileTUMWUNEOCH OMW KA NO NGENI IMWOMW: porous namot fan iten winter17.25 KB