Pwuken eureur ren taropwen mwumwuta ren ekkewe neenien mongo nukun (Tumwunun me Nimochun Pisnis, Neenien Mot Won Aan, Kafie Won Neenien Fetan)

Mennapen taropwen mwumwuta ren Neenien Mongo Nukun

Mi wor ukukun ruwanu sokkun taropwen mwumwuta ren neenien mot nukun: 

Kafie Won Neenien Fetan (Sidewalk Café)

• Ewe taropwen mwumwuta ren Kafie Won Aan a mwut ngeni ewe a wor noun ewe taropwen mwumwuta an epwe fot chepen me sea non ewe kinikinin neenien fetan ika ewe aan a kan ngeni ew pisnis.

Neenien Mot Won Aan Non Och Kinikinin Fansoun (Seasonal Street Seat)

• Ewe taropwen mwumwuta ren Neenien Mot Won Aan Non Och Kinikinin Fansoun a mwut ngeni ewe noun ewe taropwen mwumwuta an epwe fotetiw sea me chepen non ekkewe neenien isoisin taraku. Ei taropwen mwumwuta ese annukatiw epwe wor neenien epwe tekiata seni pwun ika steich, me ekkewe sea me chepen repwe mokut ika pwe esapw ina fansoun. Kinikinin fansoun seni Mei 1 ngeni Aktoper 31.

Neenien Mot Won Aan Non Och Kinikinin Fansoun mi wor Nongonongun mi Tekia seni Pwun me Neenien Mot Won Aan Non Och Kinikinin Fansoun mi wor Nongonongun mi Tekia seni Pwun fengen me Imweimwan

• Ekkei taropwen mwumwuta minen non unusen ew ier a mwut ngeni ewe noun ewe taropwen mwumwuta an epwe fotetiw chepen me sea me, fan ekkooch, pisek non ekkewe neenien isoisin taraku.

Annukun kewe taropwen mwumwuta ren neenien mongo nukun ren iei

PBOT a fééri ew annukun napanapen ekkewe taropwen mwumwuta ren neenien mongo nukun ewe a anongonong won pwopworaus fengen me ekkewe pisnis non neeni me pwan ekkooch pekin mi wor met epwe namwot ngenir. Ekkei ennuk epwe achocho ngeni an ekkewe neenien mongo nukun won aan ika neenien fetan epwe mecheres ngeni ekkewe aramas mi wor terir, sein aninis non fansoun mi atapwanapwan, waa ngeni meinsin, me neenien kottur ika uwou mettooch. Ekkei ennuk a pwan atawei pekin tumwunun mokutun won aan. Ei pwuken eureur epwe anisi ekkewe a wor nour taropwen mwumwuta ar repwe weweiti met epwe auchea me non an PBOT iwe minaféén Prokramen Neenien Mongo Nukun. 

Katon ekkei pwuken anapanap ikei

Achocho ngeni kopwe katon pwan ach kewe ekkooch peich usun annukun an PBOT we insurans, pisekin atawei fetanin aramas me waa, me eche taropwen tetenin iten chon amomo ikei:

Annukun me met mi auchea ren an PBOT we insurans

Pisekin atawei fetanin aramas ika waa me chon amomo.

Pwan kapach ngeni kewe pwuken eureur ren napanapen, niwinin ewe neeni a asefe sefan iwe iei a pwan awora ew pekin finata ren ew chok kinikinin fansoun epwe kapach ngeni ewe a fen wor ren finata ew ier. Ew minaféén niwinin neeni epwene anisi me anapano an ekkewe kukun chon anganga tongeni aea ei prokram An epwe anisi ekkewe pisnis ekkesiwin ngeni ekkewe minaféén ekkesiwin iwe PBOT epwene aea mwonien ewe American Rescue Plan Act(Annukun Akkotun Amanaw an Merika) (ARPA) a mééni nesopwun niwinin ekkewe taropwen mwumwuta ren 2024.

ANGANGEN KETIWENO (EXCEPTION PROCESS)

Ren ekkewe chon tungor nge metekkewe ra eueta ese pwung ngeni ewe pwuken eureur ren napanapen, ew angangen ketiweno (exception) a pwan kawor.

Omw kopwe sineochu pworausan kose mochen katon ewe peichin ketiweno (exception) ikei.

Iei met ekkewe pisnis repwe sinei me mwan repwe amasow taropwen tungor:

• Neenien an aramas fetan me ekkewe aramas mi wor terir epwe kawor iteitan fansoun meinisin. Ne kukununón 6 fit neenien an aramas fetan epwe auchea won ewe aan iteitan fansoun meinisin me esapw wor eppet epwe fotetiw non ei kinikin ese nifinifin fansoun.
• PBOT a pesei ekkewe pisnis repwe akkot fengen me ekkewe pisnis unnukur akkomw me mwan repwe amasow taropwen tungor.
• Pisnis non ei kinikin me ekkewe mwicheich ra tongeni aninis ne awora insurans, pisekin akkota neenien fetanin aramas me waa, ika pwan ekkooch mettooch a auchea me non ewe taropwen mwumwutan Neenien Mongo Nukun.  
• Ekkewe pisek (pachenong pisekin akkota neenien fetanin aramas ika waa) esapw pach ngeni ekkewe neenien fetan, aan, nepekin aan, asira, ika ekkooch an ewe Sopw pisekisekin won aan. Ekkewe a wor nour taropwen mwumwuta resapw tongeni siwini ekkewe mettooch a auchea ngeni met mi annukutiw aean.
• Ekkewe a wor nour taropwen mwumwuta repwe wiseni repwe tumwunu ewe kininin arun ar iwe neeni. Ika pwe neenien isoisin taraku mi aea, ekkewe a wor nour taropwen mwumwuta repwe nimetano nimengawan ewe kinikin fan me arun ika mi nimengaw
• Ekkewe pisnis repwe tumwunu pwe epwe wor mecheresin neenien an aramas repwe uuta non nain me utiwit non ekkewe neenien kounon seein kechu aramas.
• Ekkewe pisnis ra tongeni tungor amwokutun ekkooch an ewe sopw pisekisekin won aan (ren neenien pasiken, Neenien isoisin pasiken, sain ese nomw non annuk, me pwan ekkooch.). PBOT mei tongeni mwutata amwokutun mettooch anongonong won ew me ew wewe me ewe a wor noun taropwen mwumwuta epwe meeni.
• Meinisin aan epwe mennei an epwe wor ekkooch pisekin akkoten imwufesenin fetanin aramas me waa. Ekkewe neenien isoisin taraku epwe 8 fit chémongun neenien efoch taraku; 7 fit a tongeni aea ren ewe neenien pisnis nge ren ena nusun ew fit epwene aea ngeni chok ekewe pisekin akkota fetanin aramas me waa (pisekin won aan usun kumi, ekewe kanten a essisina ekewe refiref, refiref usun nikinikin ekkan nó). 

Fansoun Niiwin

Taropwen Tungor ika Apinikeison me niwinin taropwen mwumwuta ren ewe kinikin ier 2024:

Niwinin Chekin Insurans - $48.06*

Niwinin Ekkesiwinin Ewe Taropwen Mwumwuta - $150*

Niwinin Chek sefanin ewe neeni - $150*

*Ewe niwin a afatafat a tongeni epwe kame seni mwonien ARPA

Ifa usun kopwe amasou ngeni ewe taropwen mwumwuta ren Neenien Mongo Nukun (taropwen mwumwuta minen 2024)