ຮ້ອງຂໍເອົາການເຂົ້າເຖິງສຳລັບຜູ້ພິການ, ນາຍພາສາ, ຫຼື ການແປພາສາ ຈາກ BPS (Lao)

Information
6 accessibility symbols: Wheelchair Accessibility, Access for Individuals Who Are Blind or Have Low Vision, Sign Language, Closed Captioning, Large Print, More Information. Two symbols showing translation and interpretation: a piece of paper with the letter A next to a piece of paper with a Chinese character, and a voice "bubble" with the letter A next to one with a Chinese character.
ຕິດຕໍ່ພວກເຮົາເພື່ອຮ້ອງຂໍເອົາການບໍລິການໂດຍບໍ່ເສັຽຄ່າ ເພື່ອເຮັດໃຫ້ທ່ານສາມາດເຂົ້າເຖິງໄດ້ຫຼາຍຂຶ້ນສຳລັບໂຄງການຕ່າງໆ ແລະສິ່ງທີ່ສະເໜີໃຫ້ ຈາກຫ້ອງການການວາງແຜນ ແລະຄວາມຍືນຍົງ (Bureau of Planning and Sustainability).
ນີ້ລວມເຖິງ ການແປພາສາ ແລະ ການອຳນວຍຄວາມສະດວກຕາມກົດໝາຍວ່າດ້ວຍຊາວອາເມລິກັນທີ່ພິການ (ADA).
On this page

ຫ້ອງ​ການການ​ວາງ​ແຜນ​ ແລະຄວາມ​ຍືນ​ຍົງ ມຸ່ງ​ໝັ້ນ​ທີ່​ຈະ​ເຮັ​ດໃຫ້​ການ​ບໍ​ລິ​ການ​ຕ່າງໆ, ໂຄງ​ການ​ ແລະ​ກິດ​ຈະ​ກຳ​ຕ່າງໆ ຂອງ​ພວກ​ເຮົາ ສາ​ມາດ​ເຂົ້າ​ເຖິງ​ປະ​ຊາ​ຊົນ​ທີ່​ເວົ້າຫຼາກ​ຫຼາຍ​ພາ​ສາ ຫຼື ມີ​ຄວາມ​ພິ​ການ.   

ຕິດຕໍ່ພວກເຮົາເພື່ອຮ້ອງຂໍເອົາການເຂົ້າເຖິງ

ເພື່ອ​ຮ້ອງ​ຂໍ​ເອົາ​ການ​ບໍ​ລິ​ການ​ດ້ານ​ພາ​ສາ, ນາຍ​ພາ​ສາ, ຫຼື ການ​ເຂົ້າ​ເຖິງ​ສຳ​ລັບ​ຜູ້​ພິ​ການ, ກະ​ລຸ​ນາ​ຕິດ​ຕໍ່ 311 (ສາຍຣີ​ເລ​ເພື່ອສົ່ງ​ຕໍ່​ຂໍ້​ຄວາມ: 711).

ການບໍລິການເຂົ້າເຖິງສຳລັບຜູ້ພິການ

ພວກ​ເຮົາ​ມຸ່ງ​ໝັ້ນ​ທີ່​ຈະເຮັດ​ໃຫ້​ບັນ​ດາ​ຜູ້​ພິ​ການ ສາ​ມາດ​ຮັບ​ເອົາ ແລະ​ສື່​ສານ​ຂໍ້​ມູນ​ຕ່າງໆ ໄດ້​ຢ່າງ​ມີ​ປະ​ສິດ​ທິ​ພາບ​ເຊັ່ນ​ດຽວ​ກັບ​ກັບ​ຜູ້​ທີ່ບໍ່​ພິ​ການ.  ນີ້​ລວມ​ເຖິງ, ແຕ່ບໍ່​ຈຳ​ກັດ​ຢູ່​ແຕ່, ຄວາມ​ພິ​ການ​ທາງ​ຮ່າງ​ກາຍ, ປັນ​ຍາ, ການ​ເວົ້າ, ການ​ໄດ້​ຍິນ, ແລະ/ຫຼື ທາງ​ສາຍ​ຕາ. 

ບອກ​ໃຫ້​ພວກ​ເຮົາ​ຮູ້ ສິ່ງ​ທີ່​ທ່ານ​ຕ້ອງ​ການ ແລະ​ພວກ​ເຮົາ​ຈະ​ເຮັດ​ວຽກ​ເພື່ອ​ຈັດ​ຫາ​ໃຫ້​ທ່ານ ໂດຍ​ທ່ານບໍ່​ເສັຽ​ຄ່າ. 

ບາ​ງ​ຕົວ​ຢ່າງ​ຂອງ​ການ​ຊ່ວຍ​ເຫຼືອ ແລະ​ການ​ບໍ​ລິ​ການ​ຕ່າງໆ ທີ່​ພວກ​ເຮົາ​ສາ​ມາດ​ຈັດ​ຫາ​ໃຫ້ໄດ້ ລວມ​ມີ:  

  • ສື່​ວັດ​ສະ​ດຸຕ່າງໆ ໃນ​ຮູບ​ແບບ​ອື່ນ
  • ນາຍ​ພາ​ສາໃບ້ (ASL)
  • ການ​ປ່ຽນ​ແປງ​ຕໍ່​ນະ​ໂຍ​ບາຍ ຫຼື ລະ​ບຽບ​ການ

ຫຼື ການ​ດັດ​ປັບ​ທີ່​ກ່ຽວ​ພັນ​ກັບ​ຄວາມ​ພິ​ການ ເພື່ອ​ໃຫ້​ທ່ານ ຫຼື ໃຜ​ຜູ້​ໜຶ່ງ​ທີ່​ທ່ານ​ຮູ້​ຈັກ​ ສາ​ມາດ​ເຂົ້າ​ເຖິງ​ໂຄງ​ການ ຫຼື ການ​ບໍ​ລິ​ການ​ໄດ້​ຢ່າງ​ເຕັມ​ສ່ວນ

ຊອກເບິ່ງ ຕົວ​ຢ່າງ​ເພີ່ມ​ເຕີມ​ກ່ຽວ​ກັບ​ຄຳ​ຮ້ອງ ສຳ​ລັບ​ການ​ດັດ​ປັບ​ທີ່​ສົມ​ເຫດ​ຜົນ​ຕໍ່​ນະ​ໂຍ​ບາຍ ແລະ​ລະ​ບຽບ​ການ.

ການບໍລິການດ້ານການເຂົ້າເຖິງພາສາ

ພວກ​ເຮົາ​ມຸ່ງ​ໝັ້ນ​ທີ່​ຈະ​ສະ​ໜອງ​ຂໍ້​ມູນ​ໃຫ້​ແກ່​ຊາວ​ພອ​ທ​ແລນ​ດ໌​ທຸກ​ຄົນ​ໃນ​ພາ​ສາ​ໃດໆ ກໍ​ຕາມ​ທີ່​ຮ້ອງ​ຂໍ.

ການ​ບໍ​ລິ​ການ​ນາຍ​ພາ​ສາ​ທາງ​ໂທ​ລະ​ສັບ

ພວກ​ເຮົາ​ຈະ​ຈັດ​ຫາ​ນາຍ​ພາ​ສ​າ​ໃຫ້​ໂດຍບໍ່​ເສັຽ​ຄ່າ. ເມື່ອ​ທ່ານ​ໂທ​ຫາ​ພວກ​ເຮົາ, ກະ​ລຸ​ນາ​ເວົ້າ​ຊື່​ພາ​ສາ​ທີ່​ທ່ານ​ຕ້ອງ​ການ, ແລະ​ພວກ​ເຮົາ​ຈະ​ຈັດ​ຫາ​ນາຍ​ພາ​ສາ​ມາ​ຮ່ວມ​ທາງ​ໂທ​ລະ​ສັບ.  ມັນ​ອາດ​ໃຊ້​ເວ​ລາ​ສອງ​ສາມ​ນາ​ທີ​ສຳ​ລັບ​ພວກ​ເຮົາ​ໃນ​ການ​ຫາ​ນາຍ​ພາ​ສາ​ມາ​ຮ່ວມ​ທາງ​ໂທ​ລະ​ສັບ, ສະ​ນັ້ນ ກະ​ລຸ​ນາ​ຢ່າ​ວາງ​ສາຍ​ໂທ​ລະ​ສັບ.

ນອກ​ຈາກ​ນີ້ ທ່ານ​ຍັງ​ສາ​ມາດ ອີ​ເມວ​ຫາ​ພວກ​ເຮົາ ເພື່ອ​ຮ້ອງ​ຂໍ​ເອົາ​ການ​ໂທ​ລະ​ສັບ​ທີ່​ມີ​ນາຍ​ພາ​ສາ​ມາ​ຊ່ວຍ ແລະ​ພວກ​ເຮົາ​ຈະ​ຈັດ​ເວ​ລາ​ເພື່ອ​ໂທ​ຫາ​ທ່ານ.

ນາຍ​ພາ​ສາ​ທີ່​ງານ​ຕ່າງໆ

ພວກ​ເຮົາ​ຈະ​ຈັດ​ຫາ​ນາຍ​ພາ​ສາ​ໃຫ້​ໂດຍບໍ່​ເສັຽ​ຄ່າ. ຖ້າ​ວ່າ ທ່ານ​ຈະ​ຕ້ອງ​ການ​ນາຍ​ພາ​ສາ​ສຳ​ລັບ​ງານ​ໃດໆ, ກະ​ລຸ​ນາ​ບອກ​ພວກ​ເຮົາ​ໄວໆ. ພວກ​ເຮົາ​ຈະມີ​ເວ​ລາ​ໃນ​ການ​ຫານາຍ​ພາ​ສາທີ່​ດີ​ທີ່​ສຸດ​ມາ​ຊ່ວຍ ຖ້າ​ວ່າ ພວກ​ເຮົາ​ໄດ້​ຮັບ​ແຈ້ງ​ລ່ວງ​ໜ້າປະ​ມານ​​ຫ້າ​ວັນ​ເຮັດ​ວຽກ​ຂຶ້ນ​ໄປ. ຢ່າງ​ໃດ​ກໍ​ຕາມ, ບໍ່​ວ່າ​ງານ​ນັ້ນ​ຈະ​ຟ້າວປານ​ໃດ​ກໍ​ຕາມ, ກະ​ລຸ​ນາ​ເຮັດ​ຄຳ​ຮ້ອງ​ຂໍ ແລະ​ພວກ​ເຮົາ​ຈະ​ເຮັດ​ໃຫ້​ດີ​ທີ່​ສຸດ.

ສື່​ເອ​ກະ​ສານ​ທີ່​ໄດ້​ຮັບ​ການ​ແປ​ພາ​ສາ

ພວກ​ເຮົາ​ສາ​ມາດ​ຈັດ​ຫາ​ການ​ແປ​ພາ​ສາ​ສຳ​ລັບ​ຂໍ້​ມູນ​ໃດໆ ກໍ​ຕາມ​ທີ່​ຮ້ອງ​ຂໍ. ພວກ​ເຮົາ​ຈະ​ເຮັດ​ໃຫ້​ດີ​ທີ່​ສຸດ​ທີ່​ຈະ​ຈັດ​ຫາ​ການ​ແປ​ພາ​ສາ​ສຳ​ລັບ​ຂໍ້​ມູນ​ໃດໆ ໃຫ້​ແກ່​ທ່ານ​ໄວ​ທີ່​ສຸດ, ແຕ່​ວ່າ ມັນ​ອາດ​ໃຊ້​ເວ​ລາ​ດົນ​ເຖິງ​ສອງ​ອາ​ທິດ. ກະ​ລຸ​ນາ​ບອກ​ພວກ​ເຮົາ ຖ້າ​ວ່າ ຄຳ​ຮ້ອງ​ຂໍ​ຂອງ​ທ່ານ​ຮີບ​ດ່ວນ.

ຂໍ້ມູນກ່ຽວກັບສິດທິພົນລະເມືອງພາຍໃຕ້Title VI ແລະ ADA Title II

ເມືອງ​ພອ​ທ​ແລນ​ດ໌​ມີ​ນະ​ໂຍ​ບາຍ​ວ່າ ຈະ​ບໍ່​ມີ​ຜູ້​ໃດ​ຖືກ​ກີດ​ກັນ​ອອກ​ຈາກ​ການ​ເຂົ້າ​ຮ່ວມ​, ຖືກ​ປະ​ຕິ​ເສດ​ຜົນ​ປະ​ໂຫຍດ, ຫຼື ຖືກ​ຈຳ​ແນກ ໃນ​ໂຄງ​ການ​ໃດໆ ຂອງ​ເມືອງ, ການ​ບໍ​ລິ​ການ ຫຼື ກິດ​ຈະ​ກຳ​ຂອງ​ເມືອງ ເທີງ​ພື້ນ​ຖານ​ຂອງ ເຊື້ອ​ຊາດ, ສີ​ຜິວ, ຊາດ​ກຳ​ເນີດ, ຄວາມ​ພິ​ການ, ຫຼື ສະ​ຖາ​ນະ​ອື່ນໆ ທີ່​ໄດ້​ຮັບ​ການ​ປົກ​ປ້ອງ.

ດ້ວຍ​ການ​ຍຶດ​ໝັ້ນ​ຕໍ່ກົດ​ໝາຍ​ສິດ​ທິ​ພົນ​ລະ​ເມືອງ​ພາຍ​ໃຕ້ ສິດ​ທິ​ພົນ​ລະ​ເມືອງ Title VI  ແລະ ADA Title II , ເມືອງ​ພອ​ທ​ແລນ​ດ໌ ຈະ​ຮັບ​ປະ​ກັນການ​ເຂົ້າ​ເຖິງທີ່​ມີ​ຄວາມ​ໝາຍ​ຕໍ່​ໂຄງ​ການ, ການ​ບໍ​ລິ​ການ, ແລະ​ກິດ​ຈະ​ກຳ​ຕ່າງໆ ຂອງ​ເມືອງ ໂດຍ​ການ​ຈັດ​ຫາ​ໃຫ້​ຢ່າງ​ສົມ​ເຫດ​ຜົນ​ສຳ​ລັບ: ການ​ແປ​ພາ​ສາ ແລະ​ນາຍ​ພາ​ສາ, ການ​ດັດ​ປັບ​ໃຫ້​ເໝາະ​ສົມ, ການ​ອຳ​ນວຍ​ຄວາມ​ສະ​ດວກ, ຮູບ​ແບບ​ສຳ​ຮອງ, ແລະອຸ​ປະ​ກອນ​ຊ່ວຍ​ເຫຼືອ ແລະ​ການ​ບໍ​ລິ​ການ​ຕ່າງໆ.